Агароджу гомельскай клінічнай лякарні абмалявалі графіці (фота)

У Гомелі пры падтрымцы “Чырвонага Крыжа” і кіраўніцтва Гомельскай абласной клінічнай сухотнай лякарні праходзіць графіці-акцыя “Здаровая будучыня”. Вулічныя мастакі з Гомеля, Светлагорска і Мінска размалююць пустыя сцены агароджы гомельскай лякарні ў графіці. 

Яны накіраваныя на “легалізацыю здаровага ладу жыцця”, адзначыў адзін з графіцістаў у размове з Еўрарадыё.

Сама акцыя выклікала немалую зацікаўленасць у мінакоў, хворых і супрацоўнікаў лякарні, агароджу якой так старанна абмалёўвала моладзь.