Вядучыя прадпрыемствы Баранавічаў патрапілі пад крызіс

Кіраўніцтва баранавіцкага прадпрыемства “Гандальмаш” пацвердзіла, што аб’ёмы продажу прадукцыі ў Расію знізіліся ў лістападзе ў 3 разы ў параўнанні з кастрычнікам. У сувязі з гэтым прадпрыемства прастаяла 6 дзён, за якія людзі атрымалі няпоўны заробак. План выкананы на 62%. 

На заводзе аўтаматычных ліній — недахоп заявак. Звычайна ў апошнія месяцы году — пік заявак, а сёлета мінімум. Нават МАЗ і Мінскі маторны завод адтэрмінавалі свае замовы на паўгода. Тое самае з заводам “Атлант”, які знізіў экспартныя пастаўкі. Кіраўніцтва аўтаагрэгатнага заводу задумваецца пра перапрафіляванне вытворчасці з-за малой колькасці замоваў.